Leer ons Admin ken – Ria Fourie

Nog een van die vroue wat ons admin span sterk maak is Ria Fourie. Sy het ons vertel wie sy is.

1. Wie is ek?
Ek is Ria Fourie. Ma van 5 en ouma van 7. Bedags werk ek in ‘n oudiologie praktyk en soms help ek met die vervoer van mense na en van OR Tambo. Ek het ook onlangs begin blog, so ek is seker nou ‘n blogger.
2. Wanneer het ek begin skryf?
Ek het nooit geskryf nie. Dink my opstelle op skool het so 8 uit 20 gekry. Verlede jaar (2017) het ek by RGR n gedigte program begin uitsaai en  met Elsabe de Beer te doen gekry. Eendag het ek op die ingewing van die oomblik ‘n kort verhaal geskryf. Die terugvoer was positief en vandaar af het die gogga my gebyt. Ek dink nie ek is ‘n fantastiese skrywer nie. Ek moet nog baie leer, maar ek geniet dit nou baie.
3. Gunsteling genre
Ek is maar besig met kortverhale. Ek het lank terug ‘n roman geskryf maar sal dit van vooraf moet deurgaan en kyk of daar iets van kan kom
4. My droom?
Daar is so paar. Ek wil vreeslik graag nog gaan reis. Ek dink ek moes dalk n gypsey gewees het in ‘n ander lewe. Wil nog op ‘n bootreis gaan op een van die groot riviere. Ek sal vreeslik graag my eie bundel wil publiseer. Dalk nog ‘n boek of twee skryf.
5. Stokperdjies behalwe skryf?
Lees, lees. Ek is tans aan beheer van twee radio programme op Elan Global radio. Die een is Woord vir Woord waar ek gedigte, stories, rubrieke en blogs voorlees. Die ander een is in Engels op Maandae aande. Dit gaan ooor goedvoel, positiewe, ware lewens stories en getuienisse. Ek sal dit maar as my stokperdjies beskryf want dit vat net soveel tyd as wat ‘n stokperdjie sou neem
6.Raad aan ander
Wat skryf aanbetref kan ek nie regtig raad gee nie. Ek leer nog self te veel. Maar as jy dink jy kan skryf, begin net. Moenie te veel daaroor tob of dit uitwerk of bereken nie. Skryf is n hartsding. Doen net!
14915664_10211816495553207_1807311816278657295_n

Leer ons Admin ken – Ansie van der Merwe

Wie is die manne en vroue wat so hard agter hulle skerms swoeg en sweet om dinge aan die gang te hou?

Vandag gaan ons vir Ansie van der Merwe beter leer ken

1. Wie is jy ?

Ek is Ansie van der Merwe woonagtig in ‘n klein dorpie Zeerust Noord Wes

Ek is ‘n algemene kantoordame vir ‘n Elektriese maatskappy.

2. Wat is jou stokperdjies (anders as skryf) ?

Die natuur. Ek stap graag in ons pragtige berge. Praat en luister na die natuur, dit is hier waar ek die naaste aan ons Skepper kom en met Hom kan kommunikeer.

Diere, veral perde en honde. Mens kan met die twee spesies komminukeer, hulle gee ‘n rustigheid aan jou en maak jou kalm as jou phsige onrustig is.

Dan is ek lief vir klassieke mussiek. Vivaldi en Mozart is my gunstelinge, omdat ek saam met die musiek kan mediteer vir ure lank, wat my kop weer skoon en helder maak vir dit wat voorlê in die toekoms.

3. Wanneer het jy begin skryf?

Ek was op skool toe ek skelm begin skryf het. Maar het amptelik in 2010 begin skryf, nadat ek ‘n kursus by Leoni se SA Vryskut geloop het.

4. Wat is jou gunsteling genre om in te skryf?

Ek is eintlik ‘n kortverhaal skrywer, maar behaal op die oomblik groot sukses met die digkuns.

5. Wat is die een droom wat jy nog wil bewaarheid?

Behalwe dat ek besig is met my digbundel en hom gepubliseer wil sien, sal ek graag so ver as moontlik wil leer, eerstens in die rigting van proeflesing en redigering. Maar dit is nie waar dit gaan stop nie.

6. As jy vir ‘n ander skrywer of digter raad kan gee, wat sal dit wees.

Moet nooit opgee aan jou droom nie. Werk hard daaraan en as jy jou droom bereik het, onthou drome hou nooit op nie.

Ansie van der Merwe

SA Skrywers verwelkom nog lede

Ons verwelkom al ons nuwe lede van die afgelope week!
Zetwee Hattingh,
Helene de Kock,
Diane Watkins,
Sandra Luyt,
Theunis Barnard,
Marinda Marinda,
Hantie De Beer,
Stiena Boshoff,
Betsie Thomson Olivier,
Lorraine Barnard,
Annelize Marais,
Helena Mellet,
Sarel van Staden,
Mandria Labuschagne,
Amanda Pio Oosthuizen,
Marthinus Waldeck,
Johan Botha,
Yvette Botha,
Marlize Venter,
Tereza van der Walt,
Marita Schneider Van Rensburg,
Catrini Lombard,
Belinda Hawes,
David Coetzer,
Michelle Kruger,
Talitha Kellerman,
Dawid Nel,
Bella Bella,
Henk Booysens

Hallo Esmarié

untitled2.png

My naam is Esmarié Friedrichs, ek het begin skryf op aanmoediging van twee dierbare vriendinne nadat ek in 2014 probeer selfmoord pleeg het. Ek het al my seer in my gedigte ingeploeg. Baie mense het dit nie verstaan nie, maar tog was daar mense wat aanklank daarby gevind het. Dit het my aangemoedig om meer te skryf. Stadig maar seker het dit my gees begin optel. Ek het eintlik lank voor dit al geskryf. Op hoërskool het ons ‘n juffrou gehad wat as straf vir ons die onmoontlikste onderwerpe gekies het om gedigte oor te skryf indien ons nie ons huiswerk gedoen het nie. Nodeloos om te sê, ek het omtrent nooit my huiswerk in haar klas gedoen nie. Daar het ek ook geleer om per tema te dig. Na skool het ek my talent vir baie jare heeltemal weggesluit. Ek geniet dit om my gevoelens op papier weer te gee. Maar soms sukkel ek om by die ware gevoelens uit te kom omdat ek dit so lank moes wegsteek. Ek was vir elf jaar vasgevang in ‘n huwelik waar ek en my dogtertjie emosioneel en geestelik mishandel was.

Laas jaar Desember het ek uiteindelik die moed bymekaar geskraap om my man te los en ‘n nuwe lewe vir my en my dogtertjie te probeer uitwerk. Dis nie maklik nie, maar ek kom agter in my nuwe gedigte dat daar baie meer positief as negatief weerspiëel word. Daarvoor is ek baie dankbaar. Ek glo dat eendag sal die Here my heeltemal genees en kan ek tot Sy eer vertel van die pad wat ek moes loop om tot op daardie punt te kom.

Ek het nog nie my eie bundel gepubliseer nie, finansies is die groot sondebok vir daardie gebrek. Maar daar is al van my gedigte in van Heleen Malherbe se saamstelbundels opgeneem en ook in een van Myra Lochner se projekbundels. Waaroor ek baie geëerd voel om saam met sulke groot geeste in een bundel te kan wees. Dis vir my ‘n groot voorreg. Daar is ook al van my gedigte op Hosa Radio en Uitsaaines voorgelees. Ek plaas meeste van my gedigte op verskeie van die Bakkiesblad Diggroepe, waar ek goed ontvang word. Dit motiveer my om weer te begin skryf, na ‘n stilswye van ‘n hele paar maande weens die trauma van die opbreek van my huwelik en ook nie gereelde toegang tot internet nie. Hopelik sal ek in die toekoms weer gereeld kan plaas.

Aan al die mense wat my gedigte lees en iets daaruit kry wil ek opreg en nederig dankie sê, want hierdie is ‘n talent wat God vir my gegee het. Uit myself en sonder julle ondersteuning kan ek dit nie doen nie.

‘n Bietjie meer oor Esmarie in haar eie woorde:

Ek het vir ‘n groot gedeelte van my lewe op ‘n klein myndorpie met die naam Gravelotte gebly, daar het ek skool gegaan tot in Std 5. Baie beskut groot geword en nie vreeslike blootstelling aan die ‘buite wêreld’ gekry nie. Daarna is ek koshuis en hoërskool toe, op ‘n naburige dorp (Tzaneen), waar ek dan ook my blootstelling aan poësie gekry het. Ons het Raka behandel en vele gedigte van A. G. Visser, Totius, C. Louis Leipoldt, N. P. van Wyk Louw en D. J. Opperman. Die gedig wat tot vandag toe nog vir my uitstaan, is ‘Vergewe en Vergeet’ van Totius.

Ek was altyd baie lief vir skryf en het op skool ‘n ou kaapse verhaal begin skryf (wat nou nog nie voltooi is nie). My liefde vir dig het begin toe my Afrikaanse onderwyseres  vir ons as straf laat gedigte skryf het as ons nie ons huiswerk gedoen het nie. Sy het die snaakste en onmoontlikste onderwerpe gekies en daar het ek sommer ook geleer om per tema te kon dig. Nodeloos om te sê, ek het bitter min huiswerk in haar klas gedoen, net om te kan gedigte skryf

Vir jare na skool het ek my skryftalent verwaarloos en heeltemal ontken. Die lewe het met my snaakse en harde draaie geloop en my in ‘n stryd met depressie gedoop. Dit het so erg geraak dat ek September 2014 probeer selfmoord pleeg het. Maar die Here het ander planne met my gehad en ek het oorleef. Na aanmoediging van twee dierbare vriendinne het ek weer begin skryf, meestal gedigte oor my eie emosies, toe begin ek weer om per tema te dig. Ek het op ons geliefde Bakkiesblad (Facebook) kom rondkrap nadat my een vriendin vir my aan een digblad voorgestel het. So het ek begin soek na nog digblaaie, tans behoort ek aan meer as 45 digblaaie en plaas my gedigte op meeste van hulle.

Ek wou al sny aan my digblaaie, maar ek het sulke dierbare vriende en vriendinne op elkeen dat ek werklik nie kan kies waar om te sny nie.

Ek skryf gedigte wat ten alle tye rym (jammer Louis Naude, ek weet jy hou nie daarvan nie), maar vir my persoonlik is ‘n gedig nie ‘n gedig as hy nie rym nie. Vir my kom rym so maklik en natuurlik dat ek nie anders kan skryf nie. Ek kry glad nie reg om ‘n ‘vrydig’ gedig te skryf nie. Ek moet ook erken dat baie keer lyk die vrydig gedigte vir my eerder na prosa as ‘n gedig. (Jammer) Maar vir ander mag dit baie goed werk en ek gun dit vir julle, maar vir my werk dit nie. Vir my is dit ook belangrik wanneer jy kommentaar op ander se gedigte lewer, dat jy nie die digter se styl probeer verander na jou eie styl en smaak nie, maar wel hom/haar attent kan maak op dig- en spelreëls en so die digter lei om hul werk te kan slyp, maar tog hulle eie styl en stempel te behou.

Ek mag dalk nie ‘n kenner wees nie, ek het beslis nog baie om te leer maar, ek eer die Here vir die talent waarmee Hy my geseën het en daarom sal ek nooit weer ophou skryf nie. Ek sal altyd uit my hart uit skryf en nie met my kop nie. Ek baklei nog elke dag die stryd teen depressie, maar om te kan skryf bring vir my verligting.  Vandag staan ek dalk op die drumpel om my droom te bewaarheid om my gedigte te publiseer, daar het reeds van my gedigte in saamgestelde digbundels verskyn, en ek hoop om dalk in die toekoms my eie bundel te publiseer.

Ek het onlangs weer voltyds begin werk en asgevolg van die lang ure en die min tyd wat ek by my gesin kan wees het ek nie meer so baie tyd om te skryf nie, en glo my, ek mis dit vreeslik baie en geniet en benut elke oomblik wat ek die kans kry om wel te kan skryf. Ek voel ook geëerd om saam met sulke dierbare en bekende digters en digteresse skouers te kan skuur. Lank lewe die digkuns!

Ontmoet vir David Viljoen

untitled21Wie is jy en waar vandaan  kom jy?

Ek is David Viljoen van Melville, Johannesburg. Tans woon ek in Underberg, Natal.

Wanneer het jy begin skryf en hoekom?

Ek het so ‘n jaar en ‘n half gelede ernstig begin skryf toe ek besef dat boeke woorde en die afrikaanse taal die enigste ding is wat my werklik gelukkig maak.

Wat het jy geskryf wat ons kan lees?

Talle kortverhale, sketse en ‘n paar drama’s. Ek is nou besig met my eerste joernalistieke artikel.

Waaroor gaan jou boek/stories en waar kan ons dit kry om te lees?

Grootendeels is my stories die verhale van interresante mense wat ek ontmoet, dan laat ek my verbeelding met hulle wegloop.

Wat is jou groot droom?

Om ‘n suksesvolle romanskrywer te wees, rustig op ‘n klein dorpie by die see te woon met my vrou en rus en vrede te hê waar niemand my pla nie.

Wie of wat inspireer jou?

Die mensdom en sy maniere.

Behalwe vir skryf, watter ander belangstellings het jy?

Classic RocknRoll, XBOX, meisies, die engelse premier sokker liga en die Blou Bulle.

Gunsteling boek en skrywer en hoekom?

P.G du Plessis is beslis my gunsteling skrywer. Gunsteling boek is “For Whom The Bell Tolls” van Hemingway

Watter plek sal jy nog wil besoek of selfs gaan bly?

Ek sal graag in die V.S.A wil gaan woon voordat al die goeie ou RocknRoll bands uiteindelik ophou toer 🙂

Waar en wanneer skryf jy die beste?

Laat in die aand by my kombuistafel.

As jy môre die lotto wen, wat sal jy doen?

‘n Huisie op die Weskus koop en sonder sorge sit en stories skryf.

Watter belangrike lewensles(se) pas jy in jou lewe toe?

Om NOOIT OOIT die stryd op te gee nie.

Wie is…Marike Erasmus

Ons gesels met die wenner van ons vonkgedig pretuitdaging 3, leer haar beter ken en vind uit waar kom haar mooi gedigte vandaan.

untitled89.png

Wie is jy en waar vandaan  kom jy?

Marike Erasmus 51 jaar oud, geskei, ma van 2 dogters en ‘n seun. Trotse ouma van 5 kleinkinders! 4 doringtjies en een Rosie, hopelik sal my laatlam nog so ’n liefdetjie of wat byvoeg wanneer sy eendag trou. Ek is jongste dogter uit gesin van 5. Gebore in Lydenburg

 

Wanneer het jy begin skryf en hoekom?

 

Ek het al van kindsbeen af geskryf, altyd opstelle en gediggies geskryf, maar het later jare begin wonder waar ek my liefde vir skryf vandaan gekry het, aangesien niemand in ons huis ooit gedig of geskryf het, en eers onlangs na my moeder se afsterwe geweet waar dit vandaan kom. My laatlam Nadine het na my moeder se afsterwe ‘n swartband boek aan my gegee en het ek daarin die mooiste gedigte gevind wat my moedertjie geskryf het, en dadellik geweet dit is van haar wat ek dit gekry het. Ek het gedurende 2016 eers begin om van my skrywes te deel op verskeie digblaaie.

 

Wat het jy geskryf wat ons kan lees?

 

Huidiglik plaas ek verskeie gedigte op digblaaie in Facebook, onder andere SA Digters, Eggo Poësie, Deo Valente, DignetSA, en Diggroep vir beginners. Van my gedigte word ook aanlyn voorgelees op verskeie aanlyn radio stasies

Ek het ook deelgeneem aan verskeie digkompetisies, en is my eerste ooit gepubliseerde gedig opgeneem in ‘n bundel genaamd Kersfeeskeur – ‘n ware wins deur K&M uitgewers waarop ek supertrots is.

Van my gedigte word ook in die eerste Bloemlesing van DignetSa opgeneem wat tans in publikasie is

 

Waaroor gaan jou boek/stories en waar kan ons dit kry om te lees?

 

Ek skryf tans ‘n geestelik inspirerende boek, “Testimony to my surrender” wat handel oor die krag van God, waaruit Hy jou kan red en waarheen die lieflike pad van God se genesing jou kan vat.

 

My gedigte gaan oor die lewe, sy mense, natuur en die wonders van God se skepping

 

 

Wat is jou groot droom?

 

Absoluut om die Coca Cola meseum in Atlanta te besoek! Ek is ‘n kranige versamellaar van rare coke memorabilia en versamel ek al die afgelope 30 jaar.

 

My tweede droom is om my eie bundel te publiseer opgedra aan my moedertjie, ek wil dit noem Van hoek tot kant, generasie tot generasie, daarin sal ek gedigte opneem uit die pen van my moeder, en my twee dogters wat ook elk onderskeidelik pragtig kan skryf asook my eie gedigte, die bundel sal uniek wees aangesien ek dit gaan meng met resepte, dus sal dit nie net ‘n koffietafel bundel wees maar ‘n bruikbare bundel. Ek is tans nog opsoek na ‘n publiseerder vir my bundel.

 

Wie of wat inspireer jou?

J.K Rowling ‘n Britse skrywer bekend vir die Harry Potter reeks, wat meer as 400 miljoen eksemplare wêreldwyd verkoop en tientalle toekennings gewen het. Sy is een van die wêreld se mees suksesvolle en invloedryke skrywers wat ook afgesien van haar literêre werk, bygedra tot liefdadigheidsorganisasies om armoede en sosiale ongelykheid te beveg regoor die wêreld. Ek neem ook inspirasie uit werklike gebeure in my eie lewe Insluitend my jonger dae.

 

Behalwe vir skryf, watter ander belangstellings het jy?

Musiek en dans, beslis ja, dan is ek ook ‘n kranige vissersvrou en het my eie visstokke en visgereedskap, ek kan sommer netso alleen wegloop water toe en net stiltyd met myself deurbring om die batterye bietjie te herlaai

 

Gunsteling boek en skrywer en hoekom?

Lion Trilogy Francine Rivers –

 

“A Voice in the Wind”, “An Echo in the Darkness”, “As Sure As the Dawn”;

 

Verskeur deur haar liefde vir ‘n aantreklike aristokraat, ‘n jong slawemeisie wat klou aan haar geloof in die lewende God vir bevryding van die magte van dekadente Rome, en hoe Marcus wegdraai van die weelde van Rome onder leiding van ‘n fluister stem uit sy verlede wat hom vrystel van die duisternis in sy siel as Atretes, Duitse soldaat veg vir sy Vryheid en hoe sy lewe drasties verander is ‘n absolute stoel-vasgeplakte skrywe van begin tot einde.

 

Daar is ook besprekings vrae uiters geskik vir persoonlike en groepsgebruik wat ek baie geniet.

 

Watter plek sal jy nog wil besoek of selfs gaan bly?

Beslis Frankryk en Rome, ek is baie lief vir argitekteur en sal dit vreeslik geniet om na al die geboue te kan gaan kyk, ek sal ook geniet om temidde daarvan te woon.

 

Waar en wanneer skryf jy die beste?

Daar is alewig ‘n pen en papier naby en as dit ontbreek sommer ‘n winkelstrokie, ek skryf altyd, wanneer ek bestuur en gedagtes kom by my op of ‘n gebeurtenis of toneel inspirer my dan neem ek notas op en lateraand wanneer dit stil is, skryf ek. Ek verkies om voor die venster van die balkon te skryf waar ek die vertes kan intuur.

 

As jy môre die lotto wen, wat sal jy doen?

 

Dit sal nogals ‘n prettige affere wees sou ek so ‘n gelukkie bekom, ek dobbel nie en sou ek so baie geld wen sal ek beslis ‘n enorme plaas koop en ‘n verorgingshawe vir mishandelde diere, spesifiek honde en katte oprig en hul bederf tot in die afgrond.

 

Watter belangrike lewensles(se) pas jy in jou lewe toe?

 

‘n Mens kan voeling met vriende en familie verloor, maar as jy voeling met jouself verloor dan het jy moeilikheid, ek glo daar is net twee dinge wat van kardinale belang is, wat ‘n mens wil he en wat ‘n mens nodig het; wat ‘n mens wil he kan hy voor bedel, lieg, steel, roof en selfs moor, maar wat ‘n mens nodig het, kan net God voorsien en moet ons allereers die Koningkryk van God soek en streef na Heiligmaking en die res sal volg.

 

Wat laat jou lekker lag en wat maak jou ongelukkig?

 

Omdat ek ‘n ekstrovert van persoon is, is ek ook ‘n tergees en kan ek nogal sorg vir ‘n paar komiese oomblikke met segoed en vertellings of om mense poetse te bak, dit laat my heerlik gelukkig en uitbundig skater of giggel as iemand dit geniet.

 

Wanneer mense en diere vir wie ek lief is seer of swaarkry, dan breek my hart in duisend stukke, en dit maak my bitter ongelukkig

Ontmoet vir Hendie Grobbelaar

hendie2.jpg

Wie is jy en waar vandaan  kom jy?

Hendie Grobbelaar, gebore in Potch maar ek was in 9 skole a.g.v. my pa se werk. Ek het in Vanderbijlpark gematrikuleer, na my troue in Sasolburg, die ou Transkei en vir die afgelope 4 jaar ‘n Rustenburger.

 

Wanneer het jy begin skryf en hoekom?

Ek het in September 2015 begin skryf om depressie hok te slaan en ook om my grootword-stories neer te pen vir my seuns. Van daar af het dit gegroei.

 

Wat het jy geskryf wat ons kan lees?

In November 2016 het ek Potskerwe gepubliseer deur Malherbe Uitgewers. Daar het ook stories van my verskyn in ‘n paar van hulle gesamentlike bundels (Jy is vrou, Uit Veerpen se skatkis, die Kersfeesbundel en Intermezzo). Vrouekeur het ook ‘n storie in een van hul Februarie-uitgawes gepubliseer (Aphrodite) en twee ander volg later hierdie jaar. My moordstorie, Die Geleentheid, het onlangs in die US Woordfees se WYS 2017 bundel verskyn.

 

 

Wat is jou groot droom?

Een van my drome word in April waar wanneer ek by die gewilde Marita van den Vyver gaan leer hoe om te skryf. Die skrywersweek word aangebied op ‘n Griekse eiland, Lesbos en bekende skrywers soos Karin Brynard gaan ook deelneem.

Daarna hoop ek om my vollengte boek te kan skryf. Ek het al twee stories van 3 hoofstukke elk!

 

Wie of wat inspireer jou?

Onbekende skrywers se sukses inspireer my. Dan is ek gek oor die see en soek gereeld ‘n verskoning om by ons huisie in Gouritsmond te gaan wegbreek. Daar is werklik magiese krag in die dophou van brander na brander en seemeeue wat oor jou kop krys…

 

Behalwe vir skryf, watter ander belangstellings het jy?

Ek en my man laai ons battery op ‘n KTM motorfiets, ten minste elke tweede naweek. Ek is baie lief vir reis en die ontdek van ou geskiedenis. ‘n Nuwe liefde is die lees van Griekse mitologie-verhale. Daar’s nou ‘n paar stories hoor!

 

Gunsteling boek en skrywer en hoekom?

Marita vd Vyver bly maar ‘n gunsteling en natuurlik ook Sophia Kapp. Ek lees eintlik baie wyd en Nataniel se boeke bly ‘n tonikum. My gunsteling boek van alle tye en een wat my lewe drasties verander het is Jonathan Livingston Seagull van Richard Bach.

 

 Watter plek sal jy nog wil besoek of selfs gaan bly?

Enige plek waar ek omring is van berge en die see iewers naby kan hoor.

 

Waar en wanneer skryf jy die beste?

My stories en idees kom van oral. Soms terwyl ek skottelgoed was. Dan los ek alles en gaan skryf. As die storie en idee kom, gaan skryf ek.

 

As jy môre die lotto wen, wat sal jy doen?

Ons probeer maar soms ons geluk by die geel masjien en droom ook oor die groot wen. Ek ken so baie behoeftige mense en organisasies wat werklik in nood is dat ek dalk ‘n paar rand sal oorhe vir ‘n rooibos cappachino iewers…

 

Watter belangrike lewensles(se) pas jy in jou lewe toe?

Die lewe gee altyd ‘n keuse oor hoe jy ‘n krisis of saak aanpak.

My geliefkoosde sin is: Be kind, for everyone you meet today is fighting a battle.

 

Wat laat jou lekker lag en wat maak jou ongelukkig?

‘n Snaakse boek,  film, Youtube video of sommer net om die mannewales van kinders en honde dop te hou laat my glimlag en maak my dag. Dan het ek ‘n vriendin van meer as 30 jaar; saam kan ons die simpelste goed aanvang en oor gesels wat my laat skater tot my maag pyn.

Mense wat geen respek het vir ander, die natuur of die wette van die land nie maak my ongelukkig en woedend.

Ontmoet vir Elsabé Welman

elsabe2 crop.JPG

Wie is jy en waar vandaan  kom jy?

Ek is Elsabé Welman, ‘n plattelander van geboorte (Makwassie), en skoolgegaan in Delmas. Na skool het ek ‘n BSc (Ekonomie) graad en HOD behaal aan NWU. Ek is getroud met Anthonie, ‘n predikant in Lichtenburg. Ons het twee kinders, Anthoon en Tialet, albei in hulle twintigerjare. Voorheen was ons woonagtig in Klerksdorp, Gurue (Mosambiek) en Pretoria. Die ses jaar in Mosambiek, waar ek sonder elektrisiteit en telefone moes leef, was wonderlike jare waar ons na aan die skepping en totaal afhanklik van die Skepper moes leef, water uit ‘n put moes kry vir gebruik, gewoond moes raak aan slange wat ontydig hul opwagting maak. Ek was ʼn onderwyser en later ook dosent aan die destydse Technikon Pretoria, asook stigter en CEO van Availabed. Tans is ek voltyds werksaam by Epko in Lichtenburg.

Wanneer het jy begin skryf en hoekom?

In Junie 2014 het ons deur ʼn rowwe tyd gegaan. Ek wou ontsnap daarvan en het begin tik aan ʼn mooi storie met oulike karakters. Dit was bedoel om net ʼn vinnige ontsnap te wees. Maar my vingers wou nie stop nie, en meer verhale het daarna gevolg.

Wat het jy geskryf wat ons kan lees?

RYK ARMGAT is gepubliseer in 2015 deur Publishing World SA. Ek is besig met die redigering van FILTERVLINDER. Ek glo hy sal binne die volgende paar maande in boek- en elektroniese vorm beskikbaar wees.

Wat is jou groot droom?

Dat een van my boeke eendag verfilm word.

Wie of wat inspireer jou?

My man wat my baie aanmoedig. Lesers wat my boeke geniet en belangstel, navraag doen oor my skryfwerk. En ja, die dag toe ek die 2016 Afrikaanse Jeugfantasie kompetisie gewen het met my kortverhaal: Die Zinbalipoort. Dit was ʼn wonderlike inspuiting!

Behalwe vir skryf, watter ander belangstellings het jy?

Skilder, alhoewel die skryf en voltydse werk my tyd opneem. Andersins kyk ek saam met Anthonie iets op TV. Ek’s ook lief vir rekenaarspeletjies, as afleiding. Eintlik is ek baie avontuurlustig; het al op die wilde Zambezi ge-riverraft en ek wil nog graag valskermspring.

Gunsteling boek en skrywer en hoekom?

Ek lees baie rond en bont. Ek geniet Madeleine Rust en Chanette Paul se boeke.

Watter plek sal jy nog wil besoek of selfs gaan bly?

Ek het seker sigeunerbloed in my, want ek vind verandering opwindend. Ek sou maklik elke jaar in ʼn ander land of plek wil bly en werk.

Waar sal ek eendag wil bly as Anthonie aftree (want ek dink nie ek sal aftree nie)? Enige plek waar daar baie water is. By die see of  langs ʼn rivier of dam, of selfs in Holland langs een van die kanale.

Waar en wanneer skryf jy die beste?

Die maklikste is in my huis, en veral saans. Maar my vingers kan die sleutelbord nogal knater as die storie in my kop is, maak nie saak waar ek is nie: tussen my gesinslede of voor die TV, selfs in die kar tydens ʼn vinnige trip Kaap toe en terug (ek het ʼn deadline gehad).

As jy môre die lotto wen, wat sal jy doen?

Ek speel nie lotto nie, maar as ek BAIE geld iewers sou kry: Ek sal my werk bedank en voltyds skryf. En as daar nog iets oorbly, sal ek die wêreld vol wil reis. Ander volke se leefstyle interesseer my baie.

Watter belangrike lewensles(se) pas jy in jou lewe toe?

As jy iets wil doen, doen dit. Werk hard daarvoor, want niks kom op ʼn skinkbord na jou toe nie.

Ek is ʼn georganiseerde freak, wat glo: First plan your work, then work your plan. Dit werk goed met take, maar ongelukkig nie altyd in mens se lewensbeplanning nie. Ek pootjie nog met daai een.

Wat laat jou lekker lag en wat maak jou ongelukkig?

Iemand se verleentheid as ʼn poets op hul gebak word – ek is mal oor ʼn goeie grap. Onregverdigheid krap my om.

Ontmoet vir Elsabe de Beer

15873567_10212128728113021_4641049722087323533_n

Wie is jy en waar vandaan kom jy?

Ek is Elsabe de Beer, grootgeword in Vereeniging, getrou met my skoolkys, Johan. Ons het twee kinders en drie kleinkinders.Ek het my lewe lank skoolgehou en was altyd lief daarvoor om vir die kinders in die klas stories te vertel wat ek sommer so in die vertel opgemaak het.

Wanneer het jy begin skryf en hoekom?

Ek het verlede jaar besluit ek is lus om te skryf en het ingeskryf vir ‘n kursus by Skryfgeheime vir Kratiewe Skryfkuns. Daarna het ek begin soek na facebook blaaie waar ek my stories kon plaas. Iemand het my stories raakgelees en gevra of hulle dit nie in ‘n gesmantlike bundel kon publiseer nie. Natuurlik het ek ja gesê. My stories is in twee gesamentlike bundels gepubliseer.

Wat het jy geskryf wat ons kan lees?

 “Kesfeeskeur n Ware Wins” en “Jy is vrou” deur Killian & Mlaherbe.Kort daarna is my eie bundel kortverhale “Petro se Klavier en ander verhale” ook gepubliseer deur Killian & Malherbe.

Wat is jou groot droom?

 Om ‘n bundel of ‘n roman te skryf wat by alle boekwinkels verkoop word.

Wie of wat insperieer jou?

My man inspireer my ongelooflik, kom kort-kort hier aan met ‘n storie wat ek kan skryf. En ook iets wat iemand vir my vertel, ek maak vinnig ‘n storie daarvan.

As jy nie skryf nie, wat doen jy om te ontspan?

Ek skilder ook en borduur graag, maar die skrywery hou my deesdae pal besig.

Gusteling boek en skrywer en hoekom?

My gunstelingskrywer is verseker Annelie Botes. Sy skryf so gemaklik en lekker. Dis hoe ek wil skryf!

Watter plek sal jy nog wil besoek of selfs gaan bly?

Ek en my man maak ‘n punt daarvan om eenkeer per jaar oorsee te gaan vakansie hou, os was nou al omtrent in 20 lande. Maar my gunsteling plek in die hele wêreld is Graaff-Reinet in die Klein-Karoo, daar sal ek wil gaan bly!

Waar en wanneer skryf jy die beste?

Vroeg oggend wanneer almal nog slaap, in my bed op my laptop.

As jy môre die lotto wen, wat sal jy doen?

Ek dink nie ek sal ooit die lotto wen nie, ek koop nie lotto kaartjies nie!

Wat is jou sterk en swak punte?

My sterk punte is dat ek ‘n ekstrovert is en met almal oor die weg kom. Ek kan ook baie lojaal wees.

My swakpunt is seker dat ek soms baie impulsief optree, ek haat om te wag vir iets om te gebeur! Ek wil dit MAAK gebeur!