GOED OM OP TE LET IN SKRYFKUNS – Driekie Grobler

As proefleser kom ek toenemend af op dieselfde foute wat mense oor en oor maak, daarom wil ek graag ‘n paar belangrike punte uitlig en weer onder die aandag van skrywers bring.

  1. Daar word slegs een spasie na ‘n punt gemaak (nie twee soos ons op skool geleer het nie)
  2. Daar is nooit ‘n spasie tussen ‘n woord en ‘n leesteken nie, die leesteken (soos ‘n komma, uitroepteken, vraagteken, aanhanlingsteken ens.) kom teenaan die woord.
  3. ‘n Elips (kolletjies) bestaan altyd uit net drie kolletjie en daar kom ‘n spasie voor en na die kolletjies.
  4. ‘n Nuwe paragraaf begin altyd met ‘n indent, m.a.w. ‘n entjie van die kant af. Net die eerste paragraaf van ‘n hoofstuk begin teen die kant.
  5. Wanneer jy iets wil beklemtoon hoef jy net EEN leesteken te gebruik, dit is sterk genoeg en om meer as een te plaas (soos bv die uitroepteken of vraagteken, wat mense so lief is om ‘n hele paar na die woord te plaas) is onnodig.

Hoop die is van waarde vir die wat nog nie seker hieroor is nie.

Driekie GroblerLogo finaal

 

 

Ons groei

Ons groei voort! Ons ledetal op die blaaie op 25 Julie 2018 is as volg:

SA Skrywers 1457

SA Kinderboekskrywers 314

SA Digters 1232

Skrywers boekeblad 322

SA Skrywers afrondingsblad 271

Elke lid kan gerus wees in die wete dat jul nou deel is van die wenspan.

Kunsmark in Oktober

Alle skrywers. Ons het ‘n kunsmark in Oktober/November wat vir ‘n week duur by ons kerk. Ek het ‘n stalletjie bespreek vir SA Skrywers. Wil jy ook jou boeke daar te koop aanbied? Jy sal dit self by groep 7 moet bestel en na my toe laat kom, maar ek moet op 1 Augustus vir hulle ‘n voorraadlys inhandig, net name van boeke en pryse.
As jy belangstel kan ky my voor dan laat weet watter boeke van jou en die prys? Dit sal R100 kos om daar uit te stal, ons betaal R900 vir die stalletjie.

Die boeke moer teen 20 Oktober by my wees, asseblief!

Kontak Elsabe de Beer vir meer inligting saskrywers.elsabe@gmail.com

Kunsmark

Nuwe uitdaging -16 Julie – 3 Augustus

Só maak mens!
Hier gaan ons alweer …
Kruidjie-roer-my-nie
Alles in die Haak

Hierdie is die nuwe onderwerpe. Nou hier kom die regte uidaging:
1 500 – 1 800 woorde
Móét lig en / of humoristies wees
Plaas julle uitdagings op die blad en stuur dit vir my na: roneldunn@gmail.com

Jou hele verhaal mag slegs deur middel van dialoog vertel word

Daar mag niks in jou verhaal voorkom wat nie deur ‘n karakter gesê, geskree, gehuil, gelag, gefluister, ens word nie. Alles moet in aanhalingstekens verskyn.
Jy kan so veel of so min karakters hê as wat jy nodig het om die verhaal te vertel. Ek gee ‘n voorbeeld:

“Dag, Gert. Gaan dit goed?”
“Môre, môre, ja, daar’s nie klagtes nie, behalwe as jy nie nou vir my ‘n bier aangee nie.”
“Lager of wil jy van daai waterige bier hê? Hallo, Kobus, bier vir jou ook?”
“Ja, dankie, gee maar.”
“Pieter, jy het nog nie gesê wat jy wil hê nie.”
“Gee, my ‘n kasteel, wat foeter jy vandag so? Hoe gaan dit Pieter? Is jou laaitie al beter?”
En so aan …

Verhale moet teen Vrydag 3 Augustus om 17:00 in my e-posboksie wees – roneldunn@gmail.com
Ons gee spesifiek drie weke vir hierdie uitdaging omdat dit heelwat moeiliker as gewoonlik is. Ek stel voor dat jy eers die storie wat jy wil vertel neerskryf en jou karakters kies. Laat hulle eienskappe deur middel van manerismes en spreekwyse deurkom. Ideaal om ‘n skinderstorie so te verwoord.
Moenie huiwer om te vra as julle vashaak of nie verstaan nie. Dis om te geniet, nie om te sweet nie, Maar hou by die oorhoofse tema van Afrikaners is Plesierig.
LEKKER SKRYF!

Só Maak Mens!
Hier gaan ons alweer
Kruidjie-roer-my-nie
Alles in die Haak

Hoekom proeflees?

Liewe SA Skrywers:
Moet ASSEBLIEF nooit weer die waarde van ‘n goeie proefleser onderskat nie!

Ons is ‘n span van 5 proeflesers wat die afgelope week of twee aaneen sit en proeflees aan die stories wat gewen het in ons laaste kompetisie.

Dit behels spelfoute regmaak, sinsbou regmaak, storielyne aanpas indien nodig, leestekens korrigeer. Dit neem ‘n goeie proefleser ten minste twee weke om ‘n roman of bundel deur te werk en dan is dit elke dag, die hele dag vir daardie tydperk!

Daarna gaan dit. in ons geval, na die volgende proefleser om te kontroleer, sodat julle ‘n foutlose boek in die hande kan hou!

Ek bedank die volgende gekwalifiseerde proeflesers wat aan hierdie projek werk!

Bets Koen
Ronel Marè Dunn
Driekie J Grobler
Johan Jansen Skrywer
Elsabe de Beer